棋盤上的品牌戰爭

🆚 喺香港我哋好多時會見到唔同超市及食肆嘅價格戰或品牌之爭，好似百佳嘅「易賞錢」同怡和最近推出嘅「yuu」。

只要大家嘅營運模式相似甚至相同，就會好易引起 🤼‍♂️ 比賽以及比較，因為大家都賣同一樣產品嘅時候，市場 🎯 目標客群一樣，正面交峰就會在所難免。以香港為例，我哋有美心 🆚 大家樂、亦有百佳 🆚 惠康，而我哋今次嘅主角就係德國 2 個大牌子「BMW 🆚 Audi」。

🤷‍♂️ 品牌戰通常係點發生？關平民大眾咩事？

品牌戰通常會流於品牌廣告表面，雙方甚至多方會利用公眾接觸嘅不同平台宣戰、爭取 📊 市場佔有率，例如 📱 Facebook、📖 雜誌、🎏 橫額等等，用最快接觸最多受眾嘅方式向大家表示自己係比對方優勝，而唔係用產品作為主要戰爭嘅 💥 爆發點。

身為觀眾嘅我哋就可以食住 🥜 花生，睇曬雙方嘅創意力、廣告效率、出咩招去贏對手。同時又可以坐享其成，因為雙方為咗嬴，有機會做唔同的推廣，呢個時候就係消費者得益，就好似「yuu」優惠同儲分咁。

林子祥 Everywhere

誠哥集團旗下嘅 💳 易賞錢

💁‍♂️ 今次文章嘅主角：BMW 🆚 Audi

其實今次嘅主角，BMW 同 Audi 已經鬥咗好多個世代，但喺 2003 年 🇺🇸 洛杉磯聖塔莫尼卡 (Santa Monica, LA) 一個路邊 🎏 橫額上竟然公然挑機，用回應式嘅方法進行 ♟️ 品牌棋戰，我哋就開始睇吓佢哋點打法：

首先係一塊 🎏 Audi 橫額
配上最新 A4 車款嘅 Audi 橫額上寫住：
BMW，到你行 ➡️ 下一步喇 "Your move, BMW."

BMW 喺隔條街買咗 🎏 橫額
用上最新 3 系車款寫住：
Audi，🖐 將軍！你無棋喇 "Checkmate."

跟住 Audi 用上新車 R8：
你隻 💂 卒仔點夠我哋 👑 將軍打？
"Your pawn is no match for our king."

最後 BMW 竟然用 🛸 德式齊柏林飛船
掛喺 Audi 廣告上面，用上新車 🏎️ F1 跑車：
玩完喇，👏 我嬴咗喇 "Game over."

呢次 🎏 橫額戰只係一個品牌戰爭嘅開端，而喺雜誌上仍然繼續，仲愈來愈多車廠加入戰團，掃把佬 Subaru、賓利 Bentley 都有份挑機，我哋除咗食 🥜 花生，仲見到啲咩呢？究竟咁做係咪真係無 💹 市場價值呢？

🤔 咁究竟打品牌戰有咩作用？

1️⃣ 令更多人知道自己嘅品牌，從而愛上 😎 掘強、有性格嘅品牌形象。

你可以話品牌戰係 💸 浪費金錢、為面子嘅做法，但品牌戰中造成嘅話題性無疑係為品牌產生大量的 🗣️ 市場聲音 (Marketing Noise)，而令更多人知道自己嘅品牌，從而愛上掘強、有性格嘅品牌形象，亦解釋點解會愈來愈多人加入品牌戰戰團。

2️⃣ 令到本身已經係 Fans 嘅受眾額外增加一份更深嘅 🤗 歸屬感，變成一班 Die Hard Fans。

品牌戰爭嘅好處，就係會加深咗一班本身嘅 Fans 對品牌嘅信賴程度，所謂 Haters Gonna Hate，呢次品牌戰爭一出現，2 班 Fans 就喺網上面互片，令到本身已經係 Fans 嘅受眾額外增加一份更深嘅歸屬感，變成一班 Die Hard Fans。

🤧 一句講曬都係情感營銷（Emotional Marketing）

咁樣就解釋到呢排點解身邊有朋友最憎入惠康，而另一班朋友就係到努力儲分「爽夾快」，😍 愛上 Audi 睇完廣告後就會更愛 💕 Audi，成件事都好情緒化，但 Marketing 本身就係情感的遊戲，你又認唔認同呢？

28CarParts 集合汽車零件知識、Facebook 廣告、Google 廣告及平面設計的網上宣傳平台
一次過做哂網購、曝光、宣傳、收款、發貨、門市交收，邊到搵到？

4 years ago

評語