真係識買油底螺絲同介子！？

真係識買油底螺絲同介子！？

每次換油都要換粒新油底螺絲及介子是常識吧！不過似乎只有外國車主會咁樣諗 ...

換完偈油後先出現嘅滲漏現象，通常都只是由一粒油底螺絲同一隻介子造成 (排除人為因素)！好多人會睇輕呢啲小零件，幾十蚊覺得貴又唔值。但係..如果知道佢哋組合功用後，可能就會有唔同睇法，回想返以前點解唔換埋佢？

介子主要由軟金屬製成，油底螺絲在收緊時會將介子壓緊，軟金屬因為壓力改變形狀從而填補罅隙，去阻止偈油滲漏。要知道介子的使用是一次性的，重用時軟金屬不能被再次壓縮，介子就因與油底接觸的表面不平而出現罅隙，漏油風險就由此而來。

所以，介子除了叫 O-Ring 外，因為有以上特性亦稱為 Seal Ring。

換油除了更換油底介子，油底螺絲亦最好一同更換，重用的舊螺絲會因為收緊次數累積、使用力度不當等逐漸變形導致容易扭斷。最差情況，整個油底或者會因一粒扭斷的螺絲而需要整個更換，額外付出的維修費用會是日常換油的幾倍。

以上就是其中原因，解釋到點解回原廠換油時，油底螺絲及介子一同更換是常規？

AUDI VW 車款偈油油底設計唔同，尤其是 1.4 及 2.0 容積的引擎，它們的油底螺絲同介子都有分別，購買時就要小心留意，並唔係是但買一粒就得！有一些油底螺絲是包含介子，有一些是螺絲同介子分開購買。外觀上除最簡單的螺絲大小、長短分別外，螺頭及螺紋都有不同，螺絲有金屬製亦有塑膠製。

最後，仲要分清楚偈油油底同波箱油底所使用的螺絲介子亦不同，所以識買同識分啱嘅螺絲介子十分重要！

28CarParts 集合汽車零件知識、Facebook 廣告、Google 廣告及平面設計的網上宣傳平台
一次過做哂網購、曝光、宣傳、收款、發貨、門市交收，邊到搵到？